ప్రపంచ టెస్ట్ ఛాంపియన్షిప్ (2025-27)లో భాగంగా వచ్చే నెలలో టీమిండియాతో జరగబోయే రెండు మ్యాచ్ల టెస్ట్ సిరీస్ కోసం సౌతాఫ్రికా తమ 15 మంది సభ్యుల జట్టును ప్రకటించింది. గాయం కారణంగా గతంలో పాకిస్థాన్తో సిరీస్కు దూరమైన రెగ్యులర్ కెప్టెన్ తెంబా బవుమా జట్టులోకి తిరిగి వచ్చి, కెప్టెన్గా వ్యవహరించనున్నాడు. బవుమా రావడంతో మిడిల్ ఆర్డర్ బ్యాటర్ డేవిడ్ బెడింగ్హామ్ను జట్టు నుంచి తప్పించారు.
సౌతాఫ్రికా జట్టులో స్పిన్ను ఎదుర్కొనే ఉద్దేశంతో జుబేర్ హంజాకు చోటు దక్కింది. స్పెషలిస్ట్ స్పిన్నర్లుగా కేశవ్ మహారాజ్, సైమన్ హార్మర్, మరియు సెనురన్ ముత్తుస్వామి ఉన్నారు. పేస్ విభాగాన్ని కాగిసో రబాడా, కార్బిన్ బాష్, మార్కో యాన్సెన్ పంచుకోనున్నారు. పాకిస్థాన్ పర్యటనలో రాణించిన తమ ఆటగాళ్లు భారత్లోనూ మెరుగైన ప్రదర్శన చేస్తారని సౌతాఫ్రికా హెడ్ కోచ్ శుక్రి కాన్రాడ్ ఆశాభావం వ్యక్తం చేశారు.
ఈ టెస్ట్ సిరీస్లో తొలి మ్యాచ్ నవంబర్ 14-18 మధ్య కోల్కతాలో, రెండో టెస్ట్ నవంబర్ 22-26 తేదీల్లో గువాహటి వేదికగా జరగనుంది. ఈ టెస్ట్ సిరీస్ తర్వాత రెండు జట్లు మూడు వన్డేలు (నవంబర్ 30, డిసెంబర్ 3, డిసెంబర్ 6), అలాగే ఐదు టీ20 మ్యాచ్లు (డిసెంబర్ 9-19) ఆడనున్నాయి. వన్డే, టీ20 జట్లను సౌతాఫ్రికా ఇంకా ప్రకటించలేదు.
