మెగా పవర్ స్టార్ రామ్చరణ్, ‘ఉప్పెన’ ఫేమ్ బుచ్చిబాబు సానా దర్శకత్వంలో తెరకెక్కుతున్న భారీ పాన్ ఇండియా చిత్రం ‘పెద్ది’ నుంచి మేకర్స్ కీలక అప్డేట్ ఇచ్చారు. ఎంతో ఆసక్తిగా ఎదురుచూస్తున్న ఈ సినిమా ఫస్ట్ సింగిల్ ‘చికిరి చికిరి’ పాటను రేపు (నవంబర్ 7) ఉదయం 11:07 గంటలకు విడుదల చేయనున్నట్లు ప్రకటించారు. ఈ సందర్భంగా విడుదల చేసిన కొత్త పోస్టర్ సోషల్ మీడియాలో వైరల్ అవుతోంది.
కొత్తగా విడుదలైన పోస్టర్లో రామ్చరణ్ బీడీ తాగుతూ ఒక పవర్ఫుల్ హుక్ స్టెప్ వేస్తున్నట్లు కనిపించడం సినిమాపై అంచనాలను రెట్టింపు చేసింది. ఇప్పటికే విడుదలైన ఈ పాట హుక్ స్టెప్ ప్రోమో అభిమానులను ఆకట్టుకోగా, ఒకే పాటలో ఇన్ని హుక్ స్టెప్స్ ఉండటం క్యూరియాసిటీని పెంచింది. ఈ చిత్రానికి ఆస్కార్ విజేత ఏఆర్ రెహమాన్ సంగీతం అందిస్తుండటం విశేషం.
రూరల్ స్పోర్ట్స్ యాక్షన్ డ్రామా నేపథ్యంలో రూపొందుతున్న ఈ భారీ చిత్రంలో రామ్చరణ్కు జోడీగా జాన్వీ కపూర్ నటిస్తోంది. వీరిద్దరిపై ఇటీవలే శ్రీలంకలో కీలక సన్నివేశాలను చిత్రీకరించారు. కన్నడ సూపర్ స్టార్ శివ రాజ్ కుమార్తో పాటు జగపతిబాబు, దివ్యేందు శర్మ వంటి ప్రముఖ నటులు కీలక పాత్రలు పోషిస్తున్నారు. ఈ ప్రతిష్ఠాత్మక చిత్రాన్ని మైత్రీ మూవీ మేకర్స్, సుకుమార్ రైటింగ్స్, వృద్ధి సినిమాస్ సంయుక్తంగా నిర్మిస్తున్నాయి మరియు 2026 మార్చి 27న ప్రపంచవ్యాప్తంగా విడుదల చేయడానికి సన్నాహాలు చేస్తున్నారు.
