సయ్యద్ ముస్తాక్ అలీ టీ20 ట్రోఫీలో పంజాబ్ కెప్టెన్ అభిషేక్ శర్మ ఫామ్ అద్భుతంగా కొనసాగుతోంది. తాజాగా బరోడాతో జరిగిన మ్యాచ్లో అభిషేక్ కేవలం 18 బంతుల్లోనే 50 పరుగులు సాధించి అర్ధశతకం పూర్తి చేశాడు. ఈ ఇన్నింగ్స్లో 5 ఫోర్లు, 4 సిక్సర్లు కొట్టి జట్టుకు శుభారంభం అందించాడు.
అభిషేక్ శర్మ జోరుకు తోడు, అన్మోల్ప్రీత్ సింగ్ (69 పరుగులు), నమన్ ధీర్ (39 పరుగులు) కూడా మెరుపులా రాణించడంతో, పంజాబ్ జట్టు నిర్ణీత 20 ఓవర్లలో 8 వికెట్ల నష్టానికి 222 పరుగుల భారీ స్కోరు నమోదు చేసింది. ఈ అద్భుతమైన ఫామ్ కారణంగా పంజాబ్ జట్టు దూకుడుగా ముందుకు సాగుతోంది.
ముందు మ్యాచ్లో కూడా అభిషేక్ శర్మ చెలరేగాడు. బెంగాల్తో జరిగిన మ్యాచ్లో కేవలం 52 బంతుల్లో 148 పరుగులు చేసి, అందులో కేవలం 12 బంతుల్లోనే హాఫ్ సెంచరీ పూర్తి చేసి రికార్డు సృష్టించాడు. ఈ మ్యాచ్లో గాయం నుంచి కోలుకున్న స్టార్ ఆల్రౌండర్ హార్దిక్ పాండ్యా నాలుగు ఓవర్ల కోటాలో 52 పరుగులు ఇచ్చి, ఒకే వికెట్ తీయగలిగాడు.
