అనంతపురం :
“కనేకల్లో భారీ చోరీ: 48 గంటల్లోనే నిందితుడి అరెస్ట్ – రూ.12 లక్షల బంగారు, వెండి ఆభరణాలు స్వాధీనం”
సమగ్ర వివరాలు:
కేసు నేపథ్యం:
కనేకల్ టౌన్కు చెందిన పెద్ద దేవర తబుసం భర్త లాతీప్ గారు, తన కుటుంబ సభ్యులతో కలిసి 22.12.2025 సాయంత్రం 5:00 గంటలకు ఇంటికి తాళం వేసి బయలుదేరారు. బంధువుల కార్యక్రమాలకు వెళ్లిన తరువాత 27.12.2025 ఉదయం ఇంటికి తిరిగి వచ్చి చూశారు. ఇంటి వెనుక తలుపు పగలగొట్టి, లోపలికి ప్రవేశించిన దొంగలు బీరువాలోని విలువైన బంగారు, వెండి ఆభరణాలను దొంగిలించినట్లు తేలింది. మొత్తం నష్టపరిహారం సుమారు రూ.12 లక్షలు.
పోలీసుల చర్యలు:
కేసు నమోదు చేసిన కనేకల్ పోలీస్ స్టేషన్, రాయదుర్గం రూరల్ సీఐ K. వెంకటరమణ గారి ఆధ్వర్యంలో ప్రత్యేక బృందాలను ఏర్పాటు చేసింది. అనంతపురం నుండి *క్లూస్ టీమ్ (డాగ్ స్క్వాడ్)*ను పిలిపించి, నేరస్థలాన్ని క్షుణ్ణంగా పరిశీలించి, సాక్ష్యాలను సేకరించారు. దర్యాప్తు వేగంగా కొనసాగించబడింది.
నిందితుడి అరెస్ట్:
తేదీ 29.12.2025, ఉదయం 11:30 గంటలకు కనేకల్ క్రాస్, బళ్లారి రోడ్డుపై నిందితుడు *అఫ్ఘాన్ రజాక్ వలీ (32)*ను అరెస్ట్ చేశారు. విచారణలో, నిందితుడు మద్యం, క్రికెట్ బెట్టింగ్ వ్యసనాలకు అలవాటు పడి, అప్పులు తీర్చేందుకు తాళం వేసిన ఇళ్లలో చోరీలు చేసినట్లు అంగీకరించాడు. దొంగిలించిన వస్తువులను తన తమ్ముడి ఇంట్లో దాచినట్లు కూడా గుర్తించబడింది.
స్వాధీనం చేసుకున్న వస్తువులు:
బంగారు ఆభరణాలు – 10 తులాలు
వెండి ఆభరణాలు – 1 కేజీ
మొత్తం విలువ – రూ.12 లక్షలు
ప్రశంస:
48 గంటలలోనే నిందితుడిని అరెస్ట్ చేసి, కేసును ఛేదించిన
రాయదుర్గం రూరల్ సీఐ K. వెంకటరమణ,
కనేకల్ ఇంచార్జ్ ఎస్సై B. నబిరసూల్,
పీఎస్సై V. నారాయణరెడ్డి
గార్లను మరియు వారి సిబ్బందిని జిల్లా ఎస్పీ P. జగదీశ్, IPS గారు అభినందించారు.
