చంద్రశేఖర్ ఆఫర్ ఏమిటి?
తమిళనాడులో కాంగ్రెస్ పార్టీకి పూర్వవైభవం తీసుకురావడానికి తన కుమారుడు విజయ్ సిద్ధంగా ఉన్నారని చంద్రశేఖర్ పేర్కొన్నారు. తిరువారూర్ జిల్లాలో జరిగిన ఒక వివాహ వేడుకలో ఆయన మాట్లాడుతూ, కాంగ్రెస్కు విజయ్ ఒక ‘బూస్ట్’ లాంటివారని, ఈ అవకాశాన్ని కాంగ్రెస్ అధిష్ఠానం ఉపయోగించుకోవాలని సూచించారు. డీఎంకేతో పొత్తులో ఉంటూ కాంగ్రెస్ తన ఉనికిని కోల్పోతోందని, విజయ్తో చేతులు కలిపితే మళ్ళీ పుంజుకుంటుందని ఆయన అభిప్రాయపడ్డారు.
కాంగ్రెస్ స్ట్రాంగ్ రియాక్షన్
చంద్రశేఖర్ వ్యాఖ్యలపై తమిళనాడు కాంగ్రెస్ కమిటీ (TNCC) అధ్యక్షుడు కె. సెల్వపెరుంతగై తీవ్రంగా స్పందించారు. తమకు ఎవరి ‘బూస్ట్’ అవసరం లేదని తేల్చిచెప్పారు.
-
“మాకు రాహుల్ గాంధీ ఉన్నారు:” “మా కార్యకర్తలకు రాహుల్ గాంధీ ఇప్పటికే బూస్ట్, హార్లిక్స్, బోర్నవిటా ఇస్తున్నారు. మా కేడర్ ఉత్సాహాన్ని చూస్తేనే ఆ విషయం అర్థమవుతుంది,” అని ఆయన ఎద్దేవా చేశారు.
-
పొత్తులపై స్పష్టత: ప్రస్తుతం తాము డీఎంకే నేతృత్వంలోని ‘ఇండియా’ కూటమిలోనే ఉన్నామని, పొత్తుల విషయంలో హైకమాండ్ నిర్ణయమే ఫైనల్ అని స్పష్టం చేశారు.
పొత్తుల సందిగ్ధం
రాబోయే అసెంబ్లీ ఎన్నికల్లో డీఎంకే కేవలం పరిమిత స్థానాలనే కాంగ్రెస్కు కేటాయించే అవకాశం ఉండటంతో, కాంగ్రెస్-TVK పొత్తుపై ఊహాగానాలు మొదలయ్యాయి. ఇటీవల TVK ప్రతినిధులు కూడా విజయ్, రాహుల్ గాంధీ ఇద్దరూ మంచి మిత్రులని, సిద్ధాంతపరంగా కాంగ్రెస్తో తాము సహజ భాగస్వాములమని సంకేతాలిచ్చారు. అయితే, విజయ్ మాత్రం ప్రస్తుతం ఒంటరిగానే పోరాడతామని, ప్రజలే తన సైన్యమని జనవరి 26న ప్రకటించిన ప్రచార యాత్రలో పేర్కొన్నారు.
