ఛాంపియన్స్ ట్రోఫీ 2025 తర్వాత చాలా నెలలపాటు ఇంటర్నేషనల్ క్రికెట్కు దూరంగా ఉన్న రోహిత్ శర్మ, విరాట్ కోహ్లీ ఆస్ట్రేలియాతో జరుగుతున్న వన్డే సిరీస్లో బరిలోకి దిగారు. అయితే, అక్టోబర్ 19న జరిగిన మొదటి వన్డేలో రోహిత్ 8 పరుగులు చేయగా, విరాట్ డకౌట్గా వెనుదిరిగారు. దీంతో కొంతమంది విమర్శకులు ఈ స్టార్ ప్లేయర్స్ను టార్గెట్ చేస్తుండగా, టీమిండియా మాజీ హెడ్ కోచ్ రవిశాస్త్రి వారికి మద్దతుగా మాట్లాడారు. కేవలం ఒక్క చెడ్డ గేమ్తో ప్లేయర్స్ను అంచనా వేయకూడదని, ముఖ్యంగా కీలక ఆటగాళ్లు లాంగ్ గ్యాప్ తర్వాత అంతర్జాతీయ క్రికెట్ ఆడుతున్నప్పుడు తొందరపడటం సరికాదని ఆయన అన్నారు.
రవిశాస్త్రి మాట్లాడుతూ, “లాంగ్ లేఆఫ్ తర్వాత తిరిగి వచ్చినప్పుడు మీరు కచ్చితంగా వంద శాతం ఫామ్లో ఉండరు. పెర్త్లో జరిగే వన్డేకి కేవలం రెండు రోజుల ముందు ఆస్ట్రేలియాలో దిగి, ఆ కండిషన్స్కి వెంటనే అడ్జస్ట్ కావడం ఏ ఫారిన్ టీమ్కి అంత ఈజీ కాదు. ముఖ్యంగా ఆ ఎక్స్ట్రా బౌన్స్, క్వాలిటీ ఫాస్ట్ బౌలర్లను ఎదుర్కోవడం కష్టం.” అని వివరించారు. కోహ్లీ, రోహిత్ చివరిసారిగా ఐపీఎల్ 2025లో కాంపిటీషన్ క్రికెట్ ఆడారు. ఆస్ట్రేలియాకు వచ్చిన తర్వాత వారికి ప్రిపేర్ కావడానికి చాలా తక్కువ సమయమే లభించింది.
అలాగే, అనుభవం (ఎక్స్పీరియన్స్) మరియు క్లాస్ ఒక్క రోజులో తగ్గిపోవని రవిశాస్త్రి నొక్కి చెప్పారు. ఇద్దరు ఆటగాళ్లకు మళ్లీ తమ రిథమ్ను అందుకోవడానికి కొంచెం ఎక్కువ టైమ్ మరియు కాన్ఫిడెన్స్ అవసరమన్నారు. “ఆ ఏజ్లో క్రికెట్కి కొంచెం గ్యాప్ తర్వాత రీఎంట్రీ ఇచ్చినప్పుడు… గేమ్ను ఎంతగా ఆస్వాదిస్తున్నారు, ఇంకా రన్స్ చేయాలని ఎంత కసితో ఉన్నారనేది కీలకం. వారికి క్లాస్, ఎక్స్పీరియన్స్ ఉంది. కొంచెం సమయం ఇస్తే అన్నీ సాల్వ్ అవుతాయి. వెంటనే జడ్జ్ చేసేయడం కంటే వెయిట్ చేయడమే మంచిది” అని రవిశాస్త్రి తన అభిప్రాయాన్ని వెల్లడించారు. అక్టోబర్ 23న అడిలైడ్లో జరగనున్న రెండో వన్డేలో ఈ ఇద్దరు స్టార్ ప్లేయర్స్ ఫామ్లోకి రావాలని ఫ్యాన్స్ కోరుకుంటున్నారు.
